Makikita natin sa talahanayan sa baba ang mga kontemporaryong isyu at ang kahalagahan sa pag-aaral ng mga ito.
KONTEMPORARYONG ISYU | BAKIT MAHALAGA ITONG PAG-ARALAN? |
COVID-19 Pandemic | Mahalagang mabigyang pansin ang isyung ito sapagkat ito ay isang suliranin o virus na kung saan pwedeng makuha ng lahat ng tao anuman ang estado nito sa buhay, at maaaring makapagdulot ng maraming suliranin sa bayan. Mahalaga na malaman ng nasa gobyerno pati na rin ng taong bayan kung paano masosolba ang suliraning ito, sapagkat marami itong epekto sa ating bansa, mula healthcare systems hanggang sa ekonomiya. Mahalaga rin na mapag-aralan ito upang malaman kung paano nga ba natin haharapin ang mga pandemiya sa mga susunod na panahon. |
Climate Change | Ang climate change ang isa rin sa mga isyu na mahalagang pag-usapan dahil ito ay magbunga sa mga karagdagang suliranin hindi lamang sa ating bansa kundi sa buong mundo. Sa ngayon, nararanasan na natin ang epekto ng climate change, mula sa sobrang init ng temperature ng mundo hanggang sa malalakas na bagyo. Mahalaga rin na mabigyang pansin kung ano ang mga dahilan kung bakit patuloy na nangyayari ito upang malaman natin kung paano unti-unting mappapatigil ito. Sa usaping ito, dito nakasalalay kung ano ang magiging kinabukasan nating mga nilalang sa mundo at ang estado ng mundong tinitirhan natin. |
Corruption | Mahalaga na malaman ng mga taong bayan kung saan napupunta ang mga buwis na nababawas sa kanilang mga sweldo. Hindi natin masasabi kung nagagamit ba nang tama ang mga pondo ng bayan, lalo na kung wala namang pagbabagong nakakabuti na nagaganap sa inyong lugar at ang mga namumuno ay payaman nang payaman. Sa pagtalakay ukol sa kurapsyon, malalaman natin kung tama ba o niloloko na ba ng mga pinuno ang mga mamamayan. |
Press Freedom | Ang kalayaan ng mga mamamahayag na ipahayag ang mga isyu sa ating lipunan ay sumisimbolo ng kalayaan at demokrasya ng ating bansa. Kapag naipapakita ng mga mamamahayag ang tunay na nangyayari sa bansa na walang nagtatangka sa kanilang buhay (lalo na ang mga nasa gobyerno), masasabi natin na tunay na malaya ang bansa. Samantala, kapag pinagbabawalan sa pagpapahayag ng mga tunay na nangyayari sa gobyerno, pinagtangkaan ang buhay ng mga mamamahayag, o kaya ipinasara ang kumpanya ng mga mamamahayag, maaring ipinapakita nito na ang gobyerno ay nagiging mahigpit sa mga dapat malaman ng taong bayan tungkol sa mga tunay na mangyayari sa ating bansa. |
Reproductive Health | Noon pa man, usap-usapan na ang isyu tungkol sa reproductive health, at napapaloob dito ang mga suliraning tulad ng teenage pregnancy, abortion, at ang paggamit ng mga contraceptives para sa family planning. Mahalaga itong pag-aralan dahil ito ay nakakaapekto sa pagdami ng populasyon ng mga mamamayan dito sa ating bansa. Ngayong nagkaroon ng quarantine, mas tumaas ang bilang ng mga nabubuntis, mapabata man o nasa wastong edad na, dahil maaaring walang proteksyon na nagamit habang nakikipagtalik o kaya ay nagahasa sila dahil tumaas din ang bilang ng domestic violence ngayon. Mahalaga rin na mapag-usapan ito dahil hanggang ngayon ay kinakahiya o kaya ay hindi pinnapahintulutan ng iba sa atin ang pag usapan ang isyung ito. |
Sa panahon ngayon, ang pinakamahalagang isyu na mapag-usapan ngayon ay ang tungkol sa COVID-19 pandemic, dahil hanggang ngayon ay pasan-pasan natin ang mga epekto nito sa lahat ng sektor ng ating bansa. Dahil sa mga lockdowns gawa nito, tumaas ang mga kaso ng pang-aabuso sa loob ng tahanan at mga kababaihan na nabubuntis dahil wala sila ngayon mapagkukuhanan ng pera upang makagamit ng mga contraceptives. Umabot naman sa halos 4.6 milyon na mga mangagawang Pilipino ang mga nawalan ng trabaho gawa ng pagsara ng mga negosyo dahil sa pagkalugi. May mga solusyon na naisip ang pamahalaan upang matugunan ito tulad ng pagbibigay ng Social Amelioration Program (SAP) sa mga nangangailangan, distance learning para sa mga estudyante, pagbibigay ng mga subsidies sa mga negosyong naapektuhan ng lockdowns, pagpapapayag sa mga pampublikong transportasyon na bumyahe pero susunod sa health protocols, at marami pang iba. Ngunit, mas epektibo pa rin na masolusyunan tuluyan ang COVID-19 at ang mga suliraning dala nito kung magkakaroon ng malawakang contact tracing sa mga nakasalamuha ng nagpositibo at istriktong pagpapatupad ng mga patakaran na may kinalaman sa COVID-19 sa kahit sino, may pwesto man sa gobyerno o wala.
Mga Sanggunian:
Comments
Post a Comment